ඉතාලියේ ෆ්ලොරන්ස් නගරයේ සුපිරි වෙළෙඳසලක ඉදිකිරීම් සිදු කරන ස්ථානයක සිදු වූ අනතුරකින් කම්කරුවන් තිදෙනෙකු මිය ගිය බවක් හා තවත් කම්කරුවන් තිදෙනෙකු අතුරුදන් ව ඇති බවක් විදෙස් මාධ්‍යය වාර්තා කරයි.
මෙම අනතුර සිදු ව ඇත්තේ ඉදිකරමින් පවතින සුපිරි වෙළෙඳසලේ එක් කොටසක් කම්කරුවන් මතට කඩා වැටීමෙන් ය.
අතුරුදන් වු කම්කරුවන් මුදාගැනීම සඳහා ගලවා ගැනීමේ කණ්ඩායම් මේ වන විට මෙහෙයුම් ආරම්භ කර ඇති බව සඳහන් වේ.
විදෙස් වාර්තා වැඩිදුරටත් සඳහන් කළේ අනතුර සිදුවන අවස්ථාවේ එම ස්ථානයේ කම්කරුවන් අට දෙනෙකු ඇතුළු පුද්ගලයින් 50 දෙනෙකු පමණ සිට ඇති බවයි.