ලෝක ආර්ථික සංසදය විසින් ඉදිරිපත් කරන ලෝක නැගී එන ආර්ථික දර්ශකය/ඇතුළත් වූ සංවර්ධන දර්ශකයේදී
2018 වසරේදී ශ්‍රී ලංකාව එක් ස්ථානයක් පසුපසට ගොස් තිබේ.
2017 වසරේදී ශ්‍රී ලංකාව 39 වැනි ස්ථානයේ පසුවූ අතර 2018 වසරේදී ශ්‍රී ලංකාව 40 වැනි ස්ථානය දක්වා එක් ස්ථානයකින් පසුපසට ගොස් තිබේ.
ජීවන තත්ත්වය, පරිසර ආරක්ෂාව හා අනාගත පරපුර ණය බරින් ආරක්ෂා කරගැනීම යන මූලික කරුණු තුන පදනම් කරගනිමින් මෙම දර්ශකය ගණනය කරයි.
මෙම දර්ශකයට අනුව අසල්වාසී ඉන්දියාවට හිමිව ඇත්තේ 62 වැනි ස්ථානයයි. චීනය 26 වැනි ස්ථානයට පත්ව ඇති අතර පාකිස්තානය 47 වැනි ස්ථානයේ පසුවෙයි. බංග්ලාදේශය 34 වැනි ස්ථානයේත්, නේපාලය 22 වැනි ස්ථානෙයේත් පසුවෙයි.
ලෝකයේ හොඳම ආර්ථිකය ලෙස තවදුරටත් නෝර්වේ ඉදිරියෙන්ම පසුවෙන අතර, නැගී එන ආර්ථික අතර මුල් ස්ථානය ලිතුවේනියාව විසින් හිමිකරගෙන ඇත.
මේ වසරේදී දර්ශකය ගණනය කිරීමට රටවල් 103ක් යොදාගෙන ඇත. එයින් රටවල් 29ක් දියුණු රටවල් ලෙසත් රටවල් 74ක් දියුණු වෙමින් පවතින රටවල් ලෙසත් වර්ග කර ඇත.
-අද