දැනට දුම්රිය දෙපාර්තමේන්තුවේ පුරප්පාඩු වී ඇති තනතුරු 54ක් සදහා කිසිදු විධිමත් ක්‍රමවේදයකින් තොරව ප්‍රවාහන ඇමති නිමල් සිරිපාල ද සිල්වා මහතාගේ සහ නියෝජ්‍ය ඇමතිවරයාගේ දේශපාලන හිතවතුන් පිරිසක් බදවා ගැනීමේ කටයුතු සිදු වෙමින් පවතින බවට , සමස්ත ලංකා දුම්රිය සේවකයින්ගේ පොදු සංගමය චෝදනා කරනවා.
එම සංගමය පෙන්වා දෙන්නේ, ඇමතිවරුන් සමග දේශපාලනය කිරීම එකම නිර්නායකය ලෙස සලකා බදුල්ල හා කුරුණෑගල දිස්ත්‍රික්කවල දේශපාලන හිතවතුන්ගේ තෝරා ගත් නාම ලේඛනයක් ප්‍රවාහන අමාත්‍යාංශය මගින් මේ වන විටත් දුම්රිය දෙපාර්තමේන්තුවට අනුමත කර එවා ඇති බවයි.
