දක්ෂිණ අධිවේගී මාර්ගයේ බෙලිඅත්ත පිවිසුම ආසන්නයේ ලංගම බස් රථයක් ගිනිගෙන තිබෙන බව පොලීසිය පවසයි.
ගිනිගත් බස් රථයේ සිටි මගින් සියලුම දෙනා බස් රථයෙන් බස්සවා ඇති අතර මගීන් කිසිවෙකුටත් තුවාල සිදුවී නොමැත.
බස් රථය මුළුමනින් ගිනි ගෙන ඇති අතර ගින්න නිවීමට පොලිස් විශේෂ කාර්ය බලකා නිළධාරින් කටයුතු කර ඇත.
මේ හේතුවෙන් බෙලිඅත්ත පිවිසුම සිට කසාගල පිවිසුම දක්වා අධිවේගී මාර්ග කොටස වසා දමා තිබෙන අතර කසාගල පිවිසුමෙන් එලියට ගෙනෙන වාහන යළි බෙලිඅත්ත පිවිසුමෙන් ඇතුල් කරන බව පොලිසි ය කියයි.