මහරගම නගරයේ අස්ථානගත වූ යතුරු පැදියක් භාවිතා කළ බව කියන පොලිස් කොස්තාපල්වරයකු සැකපිට අත්අඩංගුවට ගත් බව කොහුවල පොලීසිය පවසයි.
මෙසේ අත්අඩංගුවට ගෙන ඇත්තේ කොහුවල පොලිසියට අනුයුක්තව සේවය කළ පොලිස් කොස්තාපල්වරයක්.
සුපිරි වෙළඳ සැලක් ඉදිරිපිටමීට මාස තුනකට පමණ පෙර මහරගම නවතා තිබු යතුරුපැදියක් අස්ථානගත වී තිබූ අතර ඒ පිළිබඳව මහරගම පොලීසියේ පැමිණිල්ලක් කර තිබේ.
ඒ පිළිබඳව පොලිසිය විමර්ශනයක් සිදුකරමින් සිටියදී අස්ථාන ගත වූ යතුරු පැදිය කොහුවල ප්‍රදේශයේ දී පුද්ගලයකු පැද යනු පැමිණිලිකරු දැක ඒ පිළිබඳව මහරගම පොලීසියට කළ දැනුම් දීමක් අනුව මහරගම පොලීසියේ නිලධාරීන් කොහුවල පොලීසියට ඒ බව දන්වා ක්ෂණිකව මාර්ගයේ ධාවනය වෙමින් තිබූ යතුරු පැදිය මෙසේ අත්අඩංගුවට ගෙන තිබේ.