අප්‍රකට මාධ්‍යවේදී ප්‍රගීත් එක්නැලිගොඩගේ බිරියට උසාවියේදි බැණ තර්ජනය කිරීමේ චෝදනාව මත මේ මස 16 දින දක්වා රක්ෂිත බන්ධනාගාරගත කළ පූජ්‍ය ගලගොඩඅත්තේ ඥාණසාර ස්වාමින් වහන්සේගේ නඩුවට අදාල (බී) වාර්තාව පොලීසිය විසින් හොර රහසේ වෙනස් කරමින් පවතින බව වාර්තා වනවා.
ඥාණසාර හිමියන්ට චෝදනා ගොණුකර ඇත්තේ දණ්ඩ නීති සංග්‍රහයේ 486 වගන්තිය යටතේ වන අතර එම වගන්තියට යටත්වන වරදකට උසාවියෙන් ඇප නියම කළ හැකි වේ. පසුගිය නඩුව විභාගයට ගෙන ඇත්තේද එම වගන්තිය යටතේ ගොණුකරන ලද චෝදනාව සම්බන්ධයෙනි.
නඩුව හෙට (16) දින හෝමාගම මහේස්ත්‍රාත් අධිකරණයේදී නැවත කැදවීමට නියමිත අතර මේ වන විට පොලීසියේ ඉහළ නිලධාරීන් විසින් උසාවියට ඇප දියනොහැකි මට්ටමේ චෝදනා ගොණුකර අදාල නඩුවේ බී වාර්තාව නීති විරෝධී ලෙස වෙනස් කරමින් සිටින බවයි පොලිස් ආරංචි මාර්ගවලින් වාර්තා වන්නේ.
හෙට දිනයේද ඇප නොදී ඥාණසාර හිමියත් තව දුරටත් බන්ධනාගාරගත කිරීමේ අරමුණින් මෙම කූට ක්‍රියාව සිදු කරමින් පවතින අතර රජයේ ඉහළ බලධාරීන්ගේ අදහස වී ඇත්තේ ද කෙසේ හෝ ඥාණාසර හිමියන් තව දුරටත් බන්ධනාගාරගතකර තැබිය යුතුය යන්නයි. මේ සදහා නීතිඥ සංගමය සහ ආගමික ප්‍රධානියෙකුට හිතවත් රාජ්‍ය නොවන සංවිධාන ක්‍රියාකාරීන් කිහිප දෙනෙකුද දිගින් දිගටම බලපෑම් කරමින් සිටින බවයි අභ්‍යන්තර තොරතුරු මූලාශ්‍රවලින් තව දුරටත් අප වෙත වාර්තා වන්නේ.