දඹුල්ල ආර්ථික මධ්‍යස්ථානයට මේ දිනවල ලැබෙන එළවලු තොග විශාල වශයෙන් අඩු වීම නිසා සියලු එළවලු වල තොග මිල ඉහළ ගොස් ඇත. දඹුල්ල ආර්ථික මධ්‍යස්ථානයේ සියලු එළවලු වල තොග මිල කිලෝවකට රු. 100 සිට 180 අතර මිලක වෙයි. මිට සමගාමිව සිල්ලර වෙළද මිලද රු. 200 ඉක්මවා පවතී .
කැරට්, බීට්, බටු, පතෝල, ගෝවා, බෝංචි කිලෝවක තොග මිල රු 130 සිට 180 දක්වා මිළ ගණන් යටතේ අලෙවි වෙයි. අමුමිරිස් කිලෝවක් රු 500 – 600 ක් තොග මිලකට අළෙවි වන අතර සිල්ලර මිල කිලෝවකට රුපියල් 800 ත් 1000 ත් අතර වෙයි.
එළවළු මිල ඉහළ යාමට ප්‍රධාන හේතුව වී ඇත්තේ අයහපත් කාලගුණ තත්ත්වයයි.
