කොළඹ ජාතික රෝහලේ හෙද හෙදියන් එකසිය පනහකට (150) කොවිඩ් ආසාදනය වී ඇති බව රජයේ හෙද නිලධාරීන්ගේ සංගමයේ සභාපති සමන් රත්නප්‍රිය පවසයි.
පවතින සීග්‍ර කොවිඩ් ව්‍යාප්තිය හමුවේ මෙලෙස රටපුරා සෞඛ්‍ය සේවකයන් හට කොවිඩ් ආසාදිතවීමේ වැඩි ප්‍රවණතාවක් තිබේ.
සෞඛ්‍ය සේවකයන් සියලු දෙනා කොවිඩ් එන්නත් පූර්ණ වශයෙන් ලබාගෙන සිටියදී මෙලෙස කොවිඩ් ආසාදිත වී තිබේ.
එසේම ජාතික රෝහලේ කොවිඩ් ආසාදිත හෙදියන් අතර ගැබිනි හෙදියන් විසිපස් දෙනකු සිටින බවද සෞඛ්‍ය අංශ තහවුරු කරයි.