කොළඹදී අද (4) දිනයේ පැවැත්වීමට සංවිධානය කර ඇති උද්ඝෝෂණයක් වළක්වාලමින් අධිකරණ නියෝගයක් නිකුත් කර තිබේ.
කොටුව පොලිසියේ ස්ථානාධිපතිවරයා විසින් කොටුව මහේස්ත්‍රාත් අධිකරණයෙන් ඊයේ (ජූනි 3) කරන ලද ඉල්ලීමකට අනුව මෙම නියෝගය නිකුත් කර ඇත.
ඒ අනුව, සමාජ මාධ්‍ය ක්‍රියාකාරී ‘රැට්ටා’ හෙවත් රතිඳු සේනාරත්න ඇතුළු පිරිසක් වෙත මෙම නියෝගය නිකුත් කර තිබේ.
පුද්ගලයින් ඒකරාශී කර ගනිමින් කොටුව පොලිස් වසමේ එන්.එස්.ඒ. වටරවුමේ සිට චෛත්‍ය පාර, එන්.එස්.ඒ. වටරවුමේ සිට ජනාධිපති මාවත, සෙරමික් මංසන්ධියේ සිට යෝර්ක් වීදිය, ලේඩි බැස්ටියන් පාර දක්වා ත් මුදලිගේ මාවත, රෝහල් වීදිය, බැංකු මාවත, බාරොන් ජයතිලක මාවත, චැතම් වීදිය, කැනල් පාර යන ප්‍රධාන මාර්ගවල සහ එහි ගමන් ගන්නා මහ ජනතාවට, වාහනවලට හා මාර්ගයේ දෙපස ඇති පදික වේදිකා අවහිර කරන උද්ඝෝෂණ වළක්වාලමින් අධිකරණය මෙම නියෝගය නිකුත් කර ඇත.