හින්දු තරුණයෙකු හා විවිව වීමේ වරදට මුස්ලිම් ජතික තරුණියක් ඇයගේ ඥාතීන් විසින් ගිනිතබා මරාදැමීමේ සිදුවීමක් ඉන්දීය මාධ්‍ය වාර්තා කර තිබෙනවා.
කර්ණාටක ප්‍රාන්තයේ බිජ්පූර්හි ගුන්දාකනාලා නම් ගම්මානයේ හින්දු තරුණයකු හා විවාහවූ වයස 21ක දරුවකු ලැබීමට සිටි තරුණ මවක් මෙසේ ගිනිතබා මරා දමා තිබෙන්නේ පසුගිය සතියේ සෙනසුරාදා දිනයි.
බානු බෙගම් සහ ෂරනප්පා කොනූර් නමැති යුවල පසුගිය ජනවාරි මස තමන් ජීවත්වූ ගුන්දාකනාලා ගම්මානයෙන් පැනගොස් ගෝව ප්‍රදේශයේදී විවාහ වී ඇති අතර බානු බෙගම් නම් කාන්තාවට ට දරුවකු ලැබීමට සිටින බැවින් නැවත ගම්මානය වෙත පැමිණ තිබෙනවා.
කෙසේ වෙතත් තම දියණියව ප්‍රතික්ෂේප කල නෑදෑයින් විසින් ඇයගේ ස්වාමිපුරුෂයාට දරුණු ලෙස පහරදී ඇත. ඔහු එම ස්ථානයෙන් පලාගොස් පොලිසිය කැදවගන එන විටත් සිය බිරිද ගිනි තබා මරා දමා සිට ඇති බව පොලිසිය මාධ්‍ය වෙත ප්‍රකාශ කර ඇත.
ගිනි තබා මරාදැමූ තරුණියගේ මව,පියා,අයියා සහ අක්කා මේ වන විට පොලිස් අත්අඩංගුවට ගෙන ඇත.