World

කොවිඩ් නව ප්‍රභේදයේ ශීඝ්‍ර ව්‍යාප්තිය මැද එංගලන්තය 3වන වරටත් වසාදැමේ

කොවිඩ් – 19 වෛරස නව ප්‍රභේදයේ ශීඝ්‍ර ව්‍යාප්තිය හමුවේ එංගලන්තය තෙවන වරටත් වසාදැමීමට එරට රජය තීරණය කර තිබේ.

වේගයෙන් පැතිර යන කොවිඩ් – 19 වෛරසයේ නව ප්‍රභේදයේ ව්‍යාප්තිය පාලනයට තම රට තෙවන වරටත් වසාදමන බව අගමැති බොරිස් ජොන්සන් ඊයේ (04)දින නිවේදනය කළේය.

එම නව වෛරස් ප්‍රභේදයේ ව්‍යාප්තිය පාලනයට එංගලන්තය මේ වනවිටත් දැඩි සංචරණ සීමාවලට යටත්කර තිබේ.

ප්‍රාථමික හා ද්විතීයික පාසල් වසාදැමීම ඇතුළු ක්‍රියාමාර්ග හෙට (06)දිනයේ සිට බලාත්මක වන අතර පෙරබරවාරි මැදභාගය තෙක් එය ක‍්‍රියාත්මක වෙනු ඇත.

බොරිස් ජොන්සන් පවසන්නේ මෙවැනි අවස්ථාවක කඩිනමින් ක්‍රියාත්මක වී රට වසා නොදැමීමෙන් ඉදිරියේදි තත්ත්වය තවත් දරුණු අතට හැරෙනු ඇති බවය.

රට වසා නොදමන්නේනම් දින 21 ක් තුළ සෞඛ්‍ය සේවාවේ ධාරිතා සීමාව ඉක්මවා යාමේ අවදානමක් මතුව ඇති බවත් ඔහු අනාවරණ කරයි.

නව සීමා යටතේ අත්‍යවශ්‍ය දෑ මිලදී ගැනීමට සහ නිවසේ සිට සේවය කළ නොහැකිනම් නිවෙස්වලින් බැහැරව යෑමට ජනතාවට අවසර ලබාදී තිබේ.

එමෙන්ම ව්‍යායාම කිරීමට, වෛද්‍යවරයා වෙත යෑමට සහ ගෘහස්ථ හිංසනයෙන් පීඩාවට පත් වන්නේනම් නිවෙස්වලින් බැහැරව යෑමට ජනතාවට අවසර හිමිවනු ඇත.

මෙම කාලය තුළ අධ්‍යාපන ආයතන අන්තර්ජාලය ඔස්සේ දුරස්ථ ඉගෙනුම් ක්‍රියාවලිය අනුගමනය කරනු ඇතැයි ද පැවසේ.

කොවිඩ් වෛරසයට එරෙහි එන්නත්කරණ වැඩසටහනද තවදුරටත් සාර්ථකව ක්‍රියාත්මකය.

ගෙවී ගිය දිනයේත් එක්සත් රාජධානියෙන් අසාදිතයින් 58,784 ක් වාර්තා වූ අතර නව මරණ 407 ක් වාර්තා විය.

Related posts

ජෙට් එයාර්වේස් මූල්‍ය අර්බුදය දරුණු වේ. ගුවන් ගමන් නවතා දමයි

colombotoday

ලිබියාවේ ගැටුම්වලින් පුද්ගලයන් 55ක් මරුට

Admin

UPDATE : ට්‍රම්ප් ඉදිරියට.. හිලරිගේ ගැහැණුන් අඩ නිරුවතින් යකා නටයි

colombotoday

යුද ගිනි මැද බ්‍රිතාන්‍ය අගමැතිත් ඊශ්‍රායලයට ළාඟා වෙයි

Admin

ඉලෝන් මස්ක් නැවතත් ලොව ධනවතුන් අතර පෙරමුණට

Admin

චීන තානාපති ඉල්ලක කර ගත් පාකිස්තානයේ සුඛෝපභෝගී හෝටලයකට බෝම්බ ප්‍රහාරයක්

colombotoday