තලේබාන් නැවත ඇෆ්ගනිස්ථානයේ බලයට පැමිණීම ගැන ලොව පුරා සිටින සෑම ජිහාඩ් කණ්ඩායමක් තුළම ප්‍රබෝධයක් ගෙන දෙන බව එක්සත් රාජධානියේ හිටපු අගමැති ටෝනි බ්ලෙයාර් පවසා ඇත.
හිටපු අග්‍රාමාත්‍යවරයා ඊයේ රාත්‍රියේ සිය වෙබ් අඩවියේ ප්‍රකාශයට පත් කළ දීර්ඝ ලිපියකින් ඇෆ්ගනිස්ථානයේ තත්වය පිළිබඳව අදහස් හුවමාරු කර ගත්තේය.
2001 වසරේ දී එක්සත් ජනපදය විසින් මෙහෙයවන ලද ආක්‍රමණයට සම්බන්ධ වන ලෙස බ්‍රිතාන්‍ය හමුදාවන්ට නියෝග කළ බ්ලෙයාර්, එක්සත් ජනපද භට පිරිස් ඉක්මණින් ඉවත් කර ගැනීම “ඛේදජනක, අනතුරුදායක, අනවශ්ය තීරණයක්” බව පැවසීය.
“ඇෆ්ගනිස්ථානය සහ එහි වැසියන් අතහැර දැමීම ඛේදජනක, අනතුරුදායක, අනවශ්ය ය තීරණයකි. 9/11 ප්‍රහාරය සිදු වූ කණ්ඩායමටම ඇෆ්ගනිස්ථානය නැවත ලබා දීමට ගත් තීරණය නින්දා සහගතය” බ්ලෙයාර් වැඩිදුරටත් පවසා ඇත.
“බටහිරයන් සිටින්නේ කොතැනදැයි ලෝකය දැන් අවිනිශ්චිතය, මන්ද මේ ආකාරයෙන් ඇෆ්ගනිස්ථානයෙන් ඉවත් වීමේ තීරණය උපාය මාර්ගික තීරණයක් නොවේ.” යනුවෙන් ඔහු පැවසීය.