උගන්ඩා ජනාධිපති යෝවේරි මුසවේනි 05 වැනි වරටත් ජනාධිපතිවරයා ලෙස දිවුරුම් දෙන උත්සවයේ විශේෂ ආරාධිතයෙක් ලෙස හිටපු ජනාධිපති මහින්ද රාජපක්ෂ මහතා සහභාගිවීමට නියමිත බව බී.බී.සී.ය කියයි.
උගන්ඩා රජයේ ආරාධනාව පිළිගෙන පදවි ප්‍රාප්ති උත්සවයට සහභාගි වන බව හිටපු ජනාධිපතිවරයා දැනටමත් දැනුම්දී තිබෙන බව ඔහුගේ ප්‍රකාශකයෙකු බී.බී.සී.යට පැවසූ බවද කියයි.
මේ අතර සිය පියා සමග උගන්ඩා ජනාධිපතිවරයාගේ පදවි ප්‍රාප්තියට සහභාගි වීමට අවසර දෙන මෙන් හිටපු ජනපතිවරයාගේ දෙවැනි පුත් යෝෂිත රාජපක්ෂ මහතා අධිකරණයෙන් කළ ඉල්ලීම ප්‍රතික්ෂේප වී තිබුණි.
කාල්ටන් ස්පෝර්ට්ස් නෙට්වර්ක් රූපවාහිනී නාළිකාවට එරෙහිව එල්ල වී තිබෙන මුදල් විශුද්ධිකරණ චෝදනා මත යෝෂිත රාජපක්ෂ මහතාගේ ගමන් බලපත්‍රය අධිකරණය මගින් තහනම් කර තිබේ.