Colombo Today Local News

“දුරකථන ගාස්තු වැඩිවුණේ සුළු ගානකින්නෙ.. ඒක ජනතාවට දැනෙන්නෙවත් නෑ” – ඇමති හරීන්

harin fernando

වෙනත් රටවල ජංගම දුරකථන ගාස්තුවලට සාපේක්ෂව වැට් බදු සංශෝධනයත් සමග ඉහළ ගිය ශ්‍රී ලංකාවේ ජංගම දුරකථන ගාස්තු ජනතාවට විශාල බරක් නොවන බව විදුලි සංදේශ කටයුතු භාර අමාත්‍ය හරීන් ප්‍රනාන්දු මහතා පවසයි.

වැට් බදු ඉහළ නැංවීම සාධාරණීකරණය නොකරන නමුත් වත්මන් ආර්ථික තත්වය හමුවේ ආණ්ඩුවට තාවකාලිකව එම පියවර ගැනීමට සිදු වූ බව අමාත්‍යවරයා කියා සිටියේ, ලන්ඩනයේ බීබීසී මූලස්ථානයේ සිට බීබීසී සිංහල සේවය සමග සාකච්ඡාවකට එක් වෙමිනි.

“ලංකාව තමයි ලෝකයේ අඩුම දුරකථන ගාස්තු අය කරන රට. සියයට විස්සකින් බදු වැඩි වුනත් කෝල් එකක් සඳහා වැය වන එකයි ශත පනහ ඒ සියයට විස්සෙන් වැඩි කරලා බැලුවොත් ඒත් ශත ගාණක් තමයි වැඩි වෙන්නේ. ඒක මහා විශාල බරක් නොවෙයි,” ඔහු පැවසීය.

යහපත් ප්‍රතිඵල ඉදිරියේදී :

ආණ්ඩුවේ ජනප්‍රියතාව ක්‍රමයෙන් පිරිහෙමින් පවතිනවා නොවේදැයි යන්න විමසූ අවස්ථාවේ අමාත්‍යවරයා කියා සිටියේ පළමු මාස හයක කාලය කටුක වුවත් ඉදිරියේදී ජනතාව වෙත යහපත් ප්‍රතිඵල අත්වනු ඇති බවයි.

“පළමු මාස හයේ රටක් ගොඩ නැංවීම සඳහායි ප්‍රතිපත්ති හදන්නේ. ඒ ප්‍රතිපත්ති ජනතාව අතර ප්‍රසිද්ධ නොවෙන්න පුළුවන්. රටකට අවුරුදු පහක වැඩපිළිවෙලක් අවශ්‍යයි.”

රාජපක්ෂ බද්ද :

පැවති පාලන සමයේ සිදු වූ බව කියන දූෂණ සහ වංචා පමණක් ජනතාව හමුවේ ප්‍රකාශ කිරීම දිගින් දිගටම කළ හැක්කක් නොවන බවත් ඔහු සඳහන් කළේය.

“ඕක කරන්න පුළුවන් මාස හයයි. එතනින් එහාට රාජපක්ෂ බද්ද කියල කියන්න බැහැ. දැන් රාජපක්ෂ වෙනුවෙන් ගහපු බදු තමයි මේ ගහ ගෙන යන්නේ. එතනින් එහාට අපි අපේ වැඩ පෙන්වන්න අවශ්‍යයි,” විදුලි සංදේශ කටයුතු භාර අමාත්‍ය හරීන් ප්‍රනාන්දු මහතා වැඩිදුරටත් කියා සිටියේය.

(බිබිසි සංදේශය)

Related posts

හමුදාව සතු උතුරේ සියලු ඉඩම් ආපසු බාර දෙන යෝජනාවක් සම්මත වෙයි !

colombotoday

සෞඛ්‍ය නීතී කැඩු බස්නාහිර ආයතන 473 කට නඩු

colombotoday

හිටපු ජනපති ගෝඨාභය රාජපක්ෂ දිවයිනට

colombotoday

කොරෝනා වෛරසයේ ආයුකාලය සොයා ගැනේ… වානේ, පිත්තල සහ ප්ලස්ටික් මතත් සක්‍රියව ඉන්න පුළුවන්

colombotoday

තවත් ප්‍රබලයෙක් විමල් හැර යයි… ජනපතිට සහය දක්වා ශ්‍රීලනිප යට එක්වෙයි

colombotoday

ආණ්ඩුව මහා නහිමිවරුනුත් රවට්ටලා.. අලුත් ව්‍යස්ථා කෙටුම්පතින් හෙළිවේ !

colombotoday