“ටයි කෝට් ඇදලා, වැදගත්කමට මහත්තයකම පෙන්නන මිස්ටර් බදුර්දීන් දැන් යන්න” යනුවෙන් බොදු බල සේනා නායක පුජ්‍ය ගලගොඩඅත්තේ ඥානසාර හිමි අද(26) රාජගිරිය බොදු බල සේනා ලේකම් කාර්යාලයේ පැවති මාධ්‍ය හමුවක් අමතමින්, සදහන් කර සිටියා.
රවී කරුණානායක හිටපු ඇමතිවරයා සිදුකලාක් මෙන් පරීක්ෂණ අවසන්වනතුරු ඇමති බදුර්දීන් ඉල්ලා අස්වි, මහත්මකම පෙන්වියයුතු බව සදහන් කල ඥානසාර හිමි බොරුව කවදාවත් සැඟවිය නොහැකි බව පෙන්වා දුන්නා.බදුර්දීන් ඇමතිවරයාගේ මුලිකත්වයෙන් විල්පත්තුව පමණක් නොව මන්නාරම,මුලතිව්,අම්පාර යන ප්‍රදේශයේ වනාන්තර විනාශ කිරීම වහා නැවැත්විය යුතු බව පෙන්වාදුන් ඥානසාර හිමි විගනනධිපති වාර්තාවට අනුව විදිමත් පරීක්ෂණයක් කලයුතු බව අවධාරණය කර සිටියා.
රටේ ජනාධිපතිවරයා පරිසරය රැකගතයුතුබව අවස්ථා ගණනාවකදී ප්‍රකාශ කර සිටියාක් මෙන්, තම විධායක බලය පාවිච්චි කර හෝ පරීක්ෂණ කටයුතු අවසන් වෙනතුරු රිෂාද් බදුර්දීන් ඇමතිවරයා පැත්තකට කර තැබිය යුතුබව මෙහිදී අවධාරණය කෙරුනා.
බොදු බල සේනා ප්‍රධාන විධායක නිලධාරී දිලන්ත විතානගේ මහතාද මෙම මාධ්‍ය හමුව සදහා එක් විය.