මාධ්‍යවේදී ශ්‍යාම් නුවන් ගනේවත්ත විසින් රචිත “කවුද හොරා “ග්‍රන්ථයේ කොළඹ ජනගත කිරීමේ උළෙල අද (05 වැනිදා ) සවස 3.00 සිට සවස 6.00 දක්වා බොරැල්ලේ එන් .එම් .පෙරේරා මධ්‍යස්ථානයේදී සම්භාවනීය ආරාධිතයන් රැසකගේ සහභාගිත්වයෙන් පැවැත්වේ .
මෙහිදී ‘කවුද හොරා ‘ ග්‍රන්ථය පිළිබදව සහ බැදුම්කර මගඩිය පිළිබදව හිටපු කෝප්සභාපති ඩිව් ගුණසේකර මහතා සහ හිටපු මහ බැංකු අධිපති අජිත් නිවාඩ් කබ්රාල් මහතා ඇතුළු කිහිප දෙනෙකුගේ විශේෂ දෙසුම් කිහිපයක්ම පැවැත්වෙන අතර මේ අවස්ථාවට බැංකුකරුවන් ,විද්වතුන් ,පුවත්පත් කතුවරුන් සහ මාධ්‍යවේදීන් ඇතුළු විශාල පිරිසක් සහභාගී වීමට නියමිතය .මේ සම්බන්ධයෙන් උනන්දුවක් දක්වන ඕනෑම අයෙකුට අවස්ථාවට සහභාගී විය හැකිය .මේ නිසා මේ අවස්ථාවට එක් වන ලෙස කතුවරයා ඔබ සැමට ආරාධනය කරයි .
මෙය ශ්‍යාම් විසින් බැදුම්කර මගඩිය සම්බන්ධයෙන් රචිත දෙවන ග්‍රන්ථයයි .මීට පෙර ඔහු විසින් ‘ බැදුම්කර මගඩිය ‘ නම් ග්‍රන්ථය රචනා කරන ලදී .කව්ද හොරා ග්‍රන්ථය ශ්‍යාම් විසින් රචනා කරනු ලබන ආර්ථික ග්‍රන්ථාවලියේ නවවැනි ග්‍රන්ථයයි .මේ ග්‍රන්ථයත් සමග ශ්‍යාම් විසින් රචිත සහ සංස්කරණය කරන ලද මුළු ග්‍රන්ථ ප්‍රමාණය පහළොවකි .මෙම ග්‍රන්ථය ශාක්‍ය ප්‍රකාශනයකි .මෙහිදී ‘ කවුද හොරා ‘ ග්‍රන්ථය සහන මිලකට මිලදී ගැනීමට අවස්ථාව සලසා ඇත .සියලු විමසීම් 0773558189 දුරකථන අංකයෙනි .