ජනාධිපති විමර්ශණ කොමිසමේ නිර්දේශ මත මුල්ම නඩු දෙක නීතීපතිවරයා කොළඹ මහාධිකරණය හමුවේ ඊයේ (25) පවරන ලදී.
බරපතල වංචා සහ දුෂණ සිද්ධීන් සෙවීම සඳහා පත් කරන ලද ජනාධිපති විමර්ශණ කොමිසමේ නිර්දේශ මත මෙලෙස මුල්ම නඩු දෙක පවරන ලද්දේ හිටපු ධීවර කටයුතු ඇමති සරත් කුමාර ගුණරත්න මහතා ඇතුලු පිරිසකට එරෙහිවය.
මීගමු කලපු සංවර්ධනයට මහා භාන්ඩාගාරයෙන් ලබා දුන් රුපියල් කෝටියකට අධික මුදලක් අවභාවිතා කරමින් පසුගිය ජනාධිපතිවරණයේදී හිටපු ජනාධිපති මහින්ද රාජපක්‍ෂ මහතාගේ අවසන් රැළිය මීගමු නගර සභා ක‍්‍රීඩාංගනයේ පැවැත්වු බවට සහ ධීවර වරාය නීතීගත සංස්ථාවේ මුදල් අවභාවිතා කරමින් එම ජනාධිපතිවරණ සමයේදීම දින පොත් මුද්‍රණය කළ බවට චෝදනා කරමින් නීතීපතිවරයා කොළඹ මහාධිකරණය හමුවේ මෙලෙස නඩු පවරන ලදී.
බරපතල සංචා සහ දුෂණ විමර්ශණ කොමිසම හමුවේ මුලින්ම මේ පිළිබඳ තොරතුරු හෙළි වු අතර එහි නිර්දේශ මත රහස් පොලිසිය සිදු කරන ලද විමර්ශණයකින් අනතුරුව නිතීපතිවරයා විත්තිකරුවන්ට එරෙහිව මෙලෙස අධිචෝදනා ගොනු කොට ඇත.