බුද්ධාගම උතුරෙන් අහෝසි වී ඇති බවත් එවැනි අහෝසි වූ ආගමකට සහාය දැක්‌වීමෙන් ද්‍රවිඩ සන්ධානය වැරැද්දක්‌ කර ඇති බවත් උතුරු මහ ඇමැති සී. වී විග්නේෂ්වරන් ප්‍රකාශ කර ඇත.
යාපනයේ කයිලාසපති ශාලාවේ පැවැති ද්‍රවිඩ ජනතා කවුන්සිලයේ සමුළුව අමතමින් ඔහු මේ බව කියා සිටියේය.
යෝජිත ආණ්‌ඩුක්‍රම ව්‍යවස්‌ථාව සම්බන්ධ අතුරු වාර්තාවට සහාය දැක්‌වීමෙන්ද ද්‍රවිඩ සන්ධානය තවදුරටත් වැරැද්දක්‌ කර ඇතැයි හෙතෙම තවදුරටත් පවසයි.
යුද අපරාධ චෝදනා ගැන විමර්ශනය කිරීමත් බලය විමධ්‍යගත කිරීමත් ද්‍රවිඩ ජනතාවට අවශ්‍යම දෙයක්‌ බවද විග්නේෂ්වරන් මහතා එම සමුළුව අමතමින් කීවේය.
කීර්ති වර්ණකුලසූරිය -දිවයින