Colombo Today Local News

ජාතිවාදී සීමා නීර්ණයට එරෙහිව බෙංගමුවේ හිමියෝ උසාවියට !

අඹගමුව ප්‍රාදේශීය සභා බල ප්‍රදේශයට අයත්ව තිබූ ශ්‍රී පාද ස්‌ථානය නව සීමානිර්ණය මගින් මස්‌කෙළිය ප්‍රාදේශීය සභා බල ප්‍රදේශය යටතට පත් කිරීමට එරෙහිව ලබන සතියේදී නීතිය ඉදිරියට යන බව ජාතික හිමිකම් සංවිධානයේ සභාපති පූජ්‍ය බෙංගමුවේ නාලක හිමියෝ පැවසූහ.

උන්වහන්සේ මේ බව ප්‍රකාශ කර සිටියේ ඊයේ (16 දා) ජාතික හිමිකම් සංවිධානය, නාවල, රාජගිරිය පිහිටි ජාතික සංවිධාන පොදු මධ්‍යස්‌ථානයේදී පැවැත් වූ මාධ්‍ය හමුවේදීය. ඒ පිළිබඳව වැඩිදුරටත් අදහස්‌ දැක්‌වූ උන්වහන්සේ මෙසේද පැවසූහ.

අපට හිමි ජාතික හිමිකම් අහිමි වෙමින් පවතිනවා. ජාතිවාදී පදනමින් සීමා නිර්ණය සිදු කිරීම නිසා දීර්ඝ ඉතිහාසයකට හිමිකම් කියන ශ්‍රී පාද සථානය දෙමළ බහුතර පාලනයේ යුත් මස්‌කෙළිය ප්‍රාදේශීය සභා බල ප්‍රදේශයට අයත් වී තිබෙනවා. විජයබාහු රාජ්‍ය පාලන සමයේදී ශ්‍රී පාද ස්‌ථානයට නින්දගම් ලබාදී තිබෙනවා. ඒ පිළිබඳව අඹගමුව සෙල්ලිපියේ සඳහන් කර තිබෙනවා.

එසේ වුවත් එම ඉතිහාසයට පිටුපාමින් නව සීමා නිර්ණය යටතේ ප්‍රාදේශීය සභා බල ප්‍රදේශ වෙන් කර තිබෙනවා. සිංහල ජනතාවගේ විරෝධය යටතේ මෙම සීමා නිර්ණය සිදු කර තිබෙන්නේ 2015 දී ලබා දුන් මැතිවරණ පොරොන්දුවක්‌ ඉටු කිරීම සඳහායි. මැතිවරණ පොරොන්දු ඉටු කිරීම සඳහා ශ්‍රී පාදය පාමුල අන්‍ය ජාතික ප්‍රාදේශීය සභා බිහි කිරීම නිසා ශ්‍රී පාද ස්‌ථානය අනතුරේ වැටී තිබෙනවා.

එපමණක්‌ නොවෙයි සප්තකන්‍යා කඳු යායේ මුස්‌ලිම් පල්ලියක්‌ සැදීමටත් සූදානම් වනවා. 1980 දී පමණ මක්‌කම බලා පියාසර කළ ගුවන් යානයක්‌ එම කන්දේ හැපි විනාශ වුවා. එම අනතුරින් මියගිය මුස්‌ලිම් ජාතිකයන් එම ප්‍රදේශයේ භූමදානය කර තිබෙනවා. එම අනතුරින් මියගිය අය වෙනුවෙන් තමයි මෙම පල්ලිය හැදීමට සූදානම් වන්නේ.

මෙම සියලු කටයුතු නිසා අපගේ ජාතික හිමිකම් අහිමි වන බව පැවසූ බෙංගමුවේ නාලක හිමියෝ වැඩිදුරටත් ප්‍රකාශ කර සිටියේ ජාතික හිමිකම්s අහිමි කරන සීමා නිර්ණයට එරෙහිව ලබන සතියේ නීතිය හමුවට යන බවයි.

 

Related posts

ජල බිල්පතත් වැඩිකළ යුතුමයි..!

colombotoday

රාජ්‍ය නිලධාරීන් පාර්ලිමේන්තු ගෞරවයට හා උත්තරීතර භාවයට හානි කරනවා – හිටපු කථානායක කියයි

colombotoday

කේරල ගංජා කිලෝ 240කට මාදගල් වෙරළේදී ගිනි තබයි

colombotoday

ලංකාවේ පුනර්ජනනීය බලශක්ති වැඩසටහනට එක්සත් ජනපද නියෝජිතායතනයෙන් ඩොලර් මිලයන 19ක්

colombotoday

ඡන්ද ප්‍රතිඵලයෙන් පසු ශ්‍රීලංකන් සේවකයින්ට හිරිහැර!

colombotoday

අයියාගේ කැතිපහරින් මල්ලී මරුට

colombotoday