නිශ්පාදන විකුණාගැනීමට නොහැකි වීමෙන් දේශීය කිරි ගොවීන් සිය නිශ්පාදන දිනකට විශාල ප්‍රමාණයක් ඉවත දමන පසුබිමක දේශී්‍ය කිරි කර්මාන්තය නගා සිටුවීම පිළිබදව ජනාධිපතිවරයා කරන ප්‍රකාශ විහිළුවක් බව පාරිභෝගික අයිතීන් සුරැකීමේ ජාතික ව්‍යාපාරය පවසනවා.
නිවේදනයක් නිකුත් කරමින් එම ව්‍යාපාරයේ සභාපති රංජිත් විතානගේ මහතා පවසන්නේ ජනාධිපතිවරයා ඇතුළු දේශපාලකයන් මීට පෙරද දේශීය කිරි කර්මාන්තය නගා සිටුවීම පිළිබදව කළ ප්‍රකාශ, ප්‍රකාශ වලට පමණක් සීමා වූ පරිද්දෙන්ම ජනාධිපතිවරයා ඊයේ කළ ප්‍රකාශයටද එයම වනු ඇති බවයි.
දේශීය කිරි කර්මාන්තය නගා සිටුවීම කෙසේ වෙතත් බහු ජාතික සමාගම් විසින් මෙරට අලෙවි කරන ‘නෙස්-ටී“ ඇතුළු විෂ කාරක සහිත කිරි වර්ග තහනම් කිරීමට හෝ කටයුතු කරන ලෙස පාරිභෝගික අයිතීන් සුරැකීමේ ජාතික ව්‍යාපාරය ජනාධිපතිවරයාගෙන් ඉල්ලා සිටී.
