ජනාධිපති මෛත්‍රීපාල සිරිසේන මහතා මිය යන්නේ යැයි දින නියම කර අනාවැකි කීම සම්බන්ධයෙන් ජෝතීශ්‍යවේදී විජිත් රෝහණ විජයමුණිට නඩු පවරා ඇත්තේ රජුට එරෙහිව කළ අපරාධ ක්‍රියාවන් යටතේ බව විත්තිය වෙනුවෙන් පෙනී සිටි නීතීඥවරයා අධිකරණයේදී හෙලි කලේය.
දණ්ඩ නීති සංග්‍රහයේ ඇති 120 වගන්තිය යටතේ පොලීසිය විසින් මෙම නඩුව පවරා ඇති බවත් රජුට විරුද්දව කරනු ලබන අපරාධ ක්‍රියාවන් ගැන එකී වගන්තියේ සදහන් බවත් ශ්‍රී ලංකාව රාජාණ්ඩුවක් නොව ජනරජයක් බවත් විත්තිය වෙනුවෙන් පෙනී සිටි නීතීඥයා අධිකරණයේදී කියා සිටියේය.
විත්තිකරුට එරෙහි ඇප කොන්දේසි ලිහිල් කල අධිකරණය නොවැම්බර් මස 28 දින යලි නඩුව කැදවීමට නියෝග කලේය.