වත්මන් රජයේ ප්‍රධාන දේශපාලන පක්ෂ දෙක වන එක්සත් ජාතික පක්සය සහ ශ්‍රී ලංකා නිදහස් පක්ෂය තමන් අතර ඇති තරගකාරීත්වය අත්හැර දමා, නව ආණ්ඩුක්‍රම ව්‍යවස්ථාව සම්මත කරගැනීමට ඒකාබද්ධ වී කටයුතු කල යුතු යැයි දෙමළ ජාතික සන්ධානයේ නායක, විපක්ෂ නායක ආර්. සම්බන්ධන් මහතා පවසයි.
හෙතෙම මේ බව කියා සිටියේ පසුගිය 18 වනදා සිංගප්පූරු විදේශ ැමති විවියන් බාලක්‍රිෂ්ණන් කොළඹදී හමුවීමෙන් අනතුරුව මාධ්‍යවේදීන් හමුවේ අදහස් දක්වමිනි.
“එක්සත් ජාතික පක්ෂය සහ ශ්‍රී ලංකා නිදහස් පක්ෂය ඒකාබද්ධ වී කටයුතු කලහොත් පමණක් නව ආණ්ඩුක්‍රම ව්‍යවස්ථාව සම්මත කරගැනීමට හැකිය. මෙම ප්‍රධාන දේශපාලන පක්ෂ 02ක තමන් අතර ඇති තරඟකාරිත්වය අත්හැරදමා ආණ්ඩුක්‍රම ව්‍යවස්ථාව සම්මත කරගැනීමට ඒකාබද්ධවී කටයුතු කල යුතුය. ජාතික ජනවාර්ගික ගැටළුව විසඳීමට ඔවුන් සහයෝගය දැක්විය යුතුය. එයට ජාත්‍යන්තර ප්‍රජාවද බලපෑම් එල්ල කල යුතුය” යනුවෙන් ආර්.සම්බන්ධන් මහතා වැඩිදුරටත් කියා සියේය.