විවෘත වෙළෙඳපොළේ රුපියල් 93ක්ව පැවැති සීනි කිලෝවක සිල්ලර මිල රුපියල් 110 දක්වා රුපියල් 17කින් ඉහළ ගොස් තිබේ.
මේ පිළිබඳව පාරිභෝගික කටයුතු අධිකාරියෙන් විමසූ විට එහි ප්‍රකාශකයකු පැවැසුවේ එතෙක් ශත 25 ක්ව පැවැති සීනි කිලෝවක ආනයන බද්ද රුපියල් 13 දක්වා ඉහළ දැමීම නිසා ඉකුත් ජනවාරි 27දා නිකුත් කළ ගැසට් නිවේදනයේ පරිදි රුපියල් 93ක් වූ උපරිම සිල්ලර මිලකට සීනි කිලෝවක් අලෙවි කළ නොහැකි බැවින් සීනි ආනයනකරුවන්ගේ ඉල්ලීම් අනුව ජීවන වියදම් කමිටුව මඟින් උපරිම සිල්ලර මිලට අදාළ ගැසට් නිවේදනය අහෝසි කිරීම නිසා මෙසේ සීනි මිල ඉහළ ගොස් ඇති බවයි.