මෙවර වගා කන්නයේ වී වගාකළ හෙක්ටයාර් ලක්ෂ 03කට අධික ප්‍රමාණයෙන්, හෙක්ටයාර් 114,729ක ප්‍රමාණයක් මේ වන විට සම්පූර්ණයෙන්ම විනාශ වී ඇති බව රජයේ සමීක්ෂණයකින් තහවුරු වී තිබේ.
ඒ අනුව අපේක්ෂිත සමස්ත වී අස්වැන්නෙන් මෙට්‍රික් ටොන් තුන්ලක්ෂ පනස් දහසකට අධික ප්‍රමාණයක් අහිමි වී යනු ඇති බවද එම සමීක්ෂණ සංඛ්‍යාලේඛණ පෙන්වා දී ඇත.
දිස්ත්‍රික්ක 15කට බලපා ඇති අධික වියළි කාලකුණික තත්ත්වය හේතුවෙන් ලක්ෂ 05කට වැඩි පිරිසක් පානීය ජල ගැටළුවට මුහුණ දී සිටින බවද මෙම සමීක්ෂණයේදී හෙළිව තිබේ.