සහල් ආනයනය කිරීම සදහා රජය ලබා දී ඇති බදු සහනය මුවාවෙන් පොළොන්නරුවේ ප්‍රධානතම සහල් ව්‍යාපාරිකයෙක් ඉන්දියාවෙන් අඩු මිළට සහල් ගෙන්වා, මෙරට වෙළද නාමයෙන් දේශීය වෙළදපලට නිකුත් කිරීමට කටයුතු කර ඇති බව පොළොන්නරුව සුළු හා මධ්‍ය පරිමාණ සහල් මෝල් හිමියන්ගේ සංගමය චෝදනා කරයි.
මෙම ජාවාරම හරහා අදාල ව්‍යාපාරිකයා එක සහල් කිලෝවකින් රුපියල් 30ක ලාබයක් ලබන බවද එම සංගමය පෙන්වා දෙයි. එම ව්‍යාපාරිකයා මේ වන විට විශාල හාල් තොගයක් ආනයනය කර ඇති බවත්, ලංකාවේ වෙළද නාමයකින් ඉන්දියාවේ ලාබ හාල් වැඩි මිලට ලංකාවේ පාරිභෝගිකයන්ට කවමින් නින්දිත වැඩක නිරතව සිටින බව, එම සංගමයේ සභාපති ගාමිණී කුමාරසිංහ මහතා මාධ්‍ය හමුවක් අමතමින් කියා සිටියේය.