හොංකොංහි ප්‍රවෘත්ති ආයතනයක මාධ්‍යවේදීන් හය දෙනෙකු පොලිසිය අත්අඩංගුවට ගෙන තිබෙන බව විදෙස් මාධ්‍ය වාර්තා කරයි.
“ද්‍රෝහී ප්‍රකාශන ප්‍රකාශයට පත් කිරීමට කුමන්ත්‍රණය කිරීම” සම්බන්ධයෙන් හොංකොං පොලිසිය ස්වාධීන ප්‍රවෘත්ති ආයතනයකින් පුද්ගලයින් හය දෙනෙකු මෙලෙස අත්අඩංගුවට ගෙන තිබෙන බවයි සඳහන් වන්නේ.
ප්‍රවෘත්ති කාර්යාලය වැටලීම සඳහා පොලිස් නිලධාරීන් 200 කට වැඩි පිරිසක් යොදවා තිබේ.
පොලිසිය නිවේදනයක් නිකුත් කරමින් කියා තිබෙන්නේ “අදාළ කරුණු සෙවීමට සහ අත්අඩංගුවට ගැනීමට” ඔවුන්ට බලය ඇති බවයි.
අත්අඩංගුවට ගත් පුද්ගලයින් අතර පිරිමි තිදෙනෙකු සහ කාන්තාවන් තිදෙනෙකු වේ.
මොවුන් අවුරුදු 34 ත් 73 ත් අතර වයස්වල පසුවන්නන් බවයි සඳහන් වන්නේ.