වව්නියාව බෝගස්වැව විහාරවාසී පූජ්‍ය තණමල්විල පියනන්ද හිමියන්ට අප්‍රේල් මස 4 වනදා දා දක්වා බලපැවැත්වෙන පරිද දින තුනක් උද්‍‍ඝෝෂණ, විරෝධතා සදහා සහභාගී වීම වලක්වමින් අධිකරණය විසින් නියෝගයක් නිකුත් කර තිබෙනවා.
වව්නියාව මහේස්ත්‍රාත්වරයා විසින් එලෙස නියෝග කළේ වව්නියාව නගරයේදී නීතිවිරෝධී උද්ඝෝෂණයක් සංවිධානය කළේයැයි පූජ්‍ය තණමල්විල පියනන්ද හිමියන්ට එරෙහිව වව්නියාව පොලිස් කොට්ඨාශය කළ පැමිණිල්ල වව්නියාව මහෙස්ත්‍රාත් අධිකරණයේදී අද 01 විභාගයට ගත් අවස්ථාවේදීයි.
ජනාධිපති මෛත්‍රීපාල සිරිසේන මහතා අප්‍රේල් 03දා උතුරේ සංචාරයක නිරත වන අතර වව්නියාවටද පැමිණීමට නියමිතය.
තණමල්විල පියනන්ද හිමියන්ගේ මූලිකත්වයෙන් ඉකුත් වව්නියාව බෝගස්වැව සිංහල ගම්මාන 18ක දැඩි ලෙස පීඩාවට පත්ව ඇති පවුල් 3500ක ජනතාව ඉකුත් මාර්තු 25වනදා වව්නියාව නගරයේදී විරෝධතාවක නිරතවූයේ බෝගස්වැව ප්‍රදේශයට යන මාර්ගය පිලිසකර කර දෙන ලෙසත්, එහි සිංහල ජනතාවගේ ඉඩම් අයිතිය තහවුරු කරදෙන ලෙසත් ජනාධිපතිවරයාට සහ රජයට බලකරමිනි.