මෙරට වෙසෙන සියළු ජනතාවට සියළු පහසුකම් සමානව බෙදී යා යුතු බවත්, තමන්ට බලය දුන්නේ එලෙස ප්‍රදේශ සහ ජාතීන් අතර ඇති පරතරය වෙනස් කර සමානාත්මතාවය ගොඩ නැගීමට බව ජනාධිපති මෛත්‍රීපාල සිරිසේන මහතා පවසයි.
මේ රටේ සිංහල බෞද්ධ ජනතාවට සතුටින් සිටීමට හැකිවන්නේ දමිළ, මුස්ලිම් ජනතාවට ඇති ප්‍රශ්න විසදුවහොත් පමණක් බවත්, එලෙස එම ජනතාවගේ ගැටළු විසදමින් යුතුකම් ඉටුකරද්දී තමා රට බෙදීමට සූදානම්වන බව දකුණේ අන්තවාදීන් පවසන බවද ජනාධිපතිවරයා පවසයි.
ජාති ආගම් භේද අතහැර සියළු දෙන රට ගොඩනැගීමට එක්විය යුතු බවද, එසේ නොවුණහොත් සියළු දෙනාට නැවත වරක් කදුලු හෙලන්නට සිදුවන බවද ජනාධිපති මෛත්‍රීපාල සිරිසේන මහතා පැවසීය.