ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා ලබන මස 6 වනදා පාර්ලිමේන්තු මන්ත්‍රී ධුරයේ දිවුරුම් දෙනු ඇතැයි දේශපාලන ආරංචි මාර්ග උපුටා දක්වමින් අද (25)දින පුවත්පත් වර්තා කර තිබුණි.
ජාතික ලැයිස්තු මන්ත්‍රීවරයෙක් ලෙස ඔහු පත්වනු ඇති බව එම වර්තාවල සඳහන් වේ.
ජාතික ලැයිස්තු මන්ත්‍රීවරයෙක් ලෙස එදින පත්වන බැසිල් රාජපක්ෂ මහතා මුදල් හා ආර්ථික සංවර්ධන කැබිනට් අමාත්‍ය ධුරයෙහි දිවුරුම් දෙනු ඇතැයි එම වර්තාවල වැඩිදුරටත් සඳහන්ය.
ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා ඇමරිකාවේ සිට ඊයේ යළි දිවයිනට පැමිණියේය.
බැසිල් රාජපක්ෂ මහතා 2010- 2015 කාළය තුළ මෙරට ආර්ථික සංවර්ධන කැබිනට් අමාත්‍ය ධූරය ද දැරූ අතර මේ වනවිට ආර්ථික පුනර්ජීවනය හා ද්‍රරිද්‍රතාවය තුරන්කිරීම සඳහා වන ජනාධිපති කාර්ය සාධක බලකායේ සභාපතිවරයා ලෙසද කටයුතු කරයි.