අගනුවර පාසැල් අතර මේ දිනවල පැවැත්වෙන තරඟාවලි සඳහා ආධාර එකතු කිරීමට (හැට් කලෙක්ෂන්) කොළඹ ඉහලම පෙලේ බාලිකා විදුහලකට අනවසරයෙන් කඩා වැදුනු කොළඹ හතේ ඉහලම පෙලේ පිරිමි විදුහලක සිසුන් පිරිසක් පොලීසිය විසින් අත්අඩංගුවට ගෙන ඇත.
මෙසේ අත්අඩංගුවට ගත් සිසුන් පිරිස අතර හම්බන්තොට ප්‍රදේශය නියෝජනය කරන ශ්‍රීලනිප ඇමතිවරයෙකුගේ පුතෙක් හා ඉහළ පෙළේ විනිසුරුවෙකුගේ පුතෙක්ද සිට ඇති අතර ඔවුන් දෙදෙනා අත්අඩංගුවට ගත් සැනින් නිදහස් කර ඇති බවට තොරතුරු වාර්තා වේ.
අත්අඩංගුවට ගත් ඉතිරි සිසුන් පිරිස අධිකරණය ඉදිරිපත් කිරීමෙන් පසු පිරිසකට ඇප නියම වී ඇති අතර අනෙත් පිරිස රඳවා ගැනීමට නියෝග කර ඇත.
මේ හේතුව මත බිග් මැච් කාලය නිම වන තෙක් කොළඹ බාලිකා පාසැල් බහුතරයක් පොලිස් ආරක්‍ෂාව ඉල්ලා ඇති බව වාර්තා වේ.