සිසුන් දෙදෙනෙකුගේ මරණය සම්බන්ධයෙන් යාපනයේ ඇතිවූ නොසන්සුන්තාව සහ විරෝධතාව සාධාරණ බවත්, එය දකුණේ සිදුවූවානම් තත්ත්වය මීට වඩා දරුණු වනු ඇති බවත් ජනාධිපති මෛත්‍රීපාල සිරිසේන මහතා පවසයි.
යාපනය කීරමලේදී යුද හමුදා දායකත්වයෙන් ඉදිකළ නිවාස 100 ජනතා අයිතියට පත් කිරීම සහා ආරක්ෂක අංශ සතු ඉඩම් කොටස් ජනතාවට පැවරීමේ වැඩසටහනකට එක්වෙමින් ඔහු මේ බව පැවසීය.
‘යාපනය විශ්ව විද්‍යාලයේ සිසුන් තම සහෝදර සිසුන්ගේ මරණය සම්බන්ධයෙන් කම්පාවට පත්වුණා. හුගාක් නොසන්සුන් තත්වයක් ඇතිවුණා. ඔවුන්ට ඇති වු වේදනාව හා කණගාටුව අපි සියලු දෙනාටම ඇති වුණා. ඒ උද්ඝෝෂණ සහ නොසන්සුන්තා, විරෝධතා ඇතිවීම සාධාරණයි කියලා මම විශ්වාස කරනවා. එවැනි සිද්ධියක් වුණානම් උතුරේ පමණක් නොවෙයි, එවැනි සිද්ධියක් දකුණේ වුණානම් රුහුණු විශ්ව විද්‍යාලයේ මීටත් වඩා දකුණ නොසන්සුන් වෙයි කියලා මම හිතනවා‘ යැයි ද ජනපති කීය.
මෙම සිද්ධියේදී යාපනය ප්‍රමුඛ උතුරේ ජනතාව සංසුන්ව කටයුතු කළ ආකාරය පිළිබඳව උතුරේ ජනතාවට මම ස්තූතිවන්ත වනවා. ඒ නිසා එවැනි සිදුවීම් ඇති නොවීමට සෑම අංශයක්ම වගකීමෙන් කටයුතු කිරීම අවශ්‍යයි. යැයිද ජනපති කීය.
