අන්දරගොල්ලෑව ප්‍රදේශයේ කුඹුරක් වටා අනවසරයෙන් ඉදිකරන ලද විදුලි වැටක ගැටිමෙන් අවුරුදු 15ක් පමණ වයසැති දළ ඇතෙකු මිය යාමේ සිද්ධියක් සම්බන්ධයෙන් එම කුඹුරේ හිමිකරු වනජිවි දෙපාර්තමේන්තුවේ කහටගස්දිගිලිය කාර්යාලයේ නිලධාරින් අත්අඩංගුවට ගෙන තිබේ.
මෙසේ අත්අඩංගුවට ගෙන ඇත්තේ අන්දරගොල්ලෑවේ ගොවියෙකි.
අන්දරගොල්ලෑව ප්‍රදේශයේ කුඹුරක් ආසන්නයේ දළ ඇතෙකු මිය ගොස් ඇති බවට ලැබුණු තොරතුරු මත ගිය වනජීවී නිලධාරීන්ට මෙම ගොවියා අත්අඩංගුවට ගැනීමට හැකිව තිබේ.
එම කුඹුර හිමි පුද්ගලයා විසින් සිය නිවසේ සිට අනවසරයෙන් විදුලි රැහැනක් කුඹුර වටා ඇද තිබිමේ හේතුවෙන් එම විදුලි රැහැනේ ගැටිමෙන් දළ ඇතා මිය ගොස් සිටි බවට සිදුකළ පරික්ෂණයේදි අනාවරණයවු බව වනජිවි නිලධාරින් සඳහන් කරයි.