27.7 C
Colombo
4 April 2025
Colombo Today Local News

බහුදින ධීවර යාත්‍රාවක පිළිස්සුනු ධීවරයෙක්

දකුණු මුහුදු ප්‍රදේශයේ සිදුවූ අනතුරකින් පිළිස්සුම් තුවාල ලැබූ බහුදින ධීවර යාත්‍රාවක සිටි ධීවරයෙකු ගොඩබිමට රැගෙනවිත් ප්‍රතිකාර සඳහා යොමු කිරීමට නාවික හමුදා පියවර ගෙන තිබේ.

ගාල්ලේ සිට නාවික සැතපුම් 431ක් පමණ ශ්‍රී ලංකාවට නිරිත දෙසින් වූ ගැඹුරු මුහුදු ප්‍රදේශයේ දී සිදුවූ අනතුරකින් එම ධීවරයා පිළිස්සුම් තුවාල ලබා ඇති බවයි නාවික හමුදාව සඳහන් කරයි.

ගොඩබිම වෙත රැගෙන ආ ධීවරයා ප්‍රතිකාර සඳහා ගාල්ල කරාපිටිය ශික්ෂණ රෝහලට ඇතුළත් කර ඇත.

පසුගිය ජුනි මස 22 වන දින ධීවරයින් 5 දෙනෙකු සමග මීගමුව ධීවර වරායෙන් මුහුදු ගොස් ඇති බහුදින ධීවර යාත්‍රාව ගැඹුරු මුහුදු ප්‍රදේශයේදී විදේශීය යාත්‍රාවක ගැටී ඇති බව සඳහන් වෙයි.

එහිදී එම විදේශීය යාත්‍රාවෙන් එල්ල වූ ප්‍රහාරයක් හේතුවෙන් බහුදින ධීවර යාත්‍රාවේ සිටි එම ධීවරයා පිළිස්සුම් තුවාල ලබා ඇති බව ධීවර හා ජලජ සම්පත් දෙපාර්තමේන්තුව විසින් නාවික හමුදාවට දැනුම් දී තිබේ.

ඒ අනුව, ක්‍රියාත්මක වූ නාවික හමුදාවේ “ස්පාර් මිරා” නම් වූ වෙළෙඳ නෞකාව මගින් පිළිස්සුම් තුවාල ලබා ඇති ධීවරයා ප්‍රතිකාර සඳහා ගොඩබිමට රැගෙන ඒමට පියවර ගත් බව නාවික හමුදාව සඳහන් කරයි.

Related posts

ජනතාවම මුදල් එකතු කරදී මාස තුනයි.. කෝටි 20ත් නෑ.. පෙට් ස්කෑනරෙත් නෑ !

colombotoday

LTTE එක ගේන එකයි අපේ එකම අරමුණ – විජයකලා මහේෂ්වරන් : Video

colombotoday

සෞඛ්‍ය අමාත්‍යාංශයේ දුෂණ විමර්ශන නිලධාරීන් 27කට ස්ථාන මාරුවීම්

Admin

කාලගුණයෙන් අනතුරු ඇඟවීමේ නිවේදනයක්

colombotoday

තිරිඟු පිටි මිල රු 40කින් ඉහළට

colombotoday

මුස්ලිම් ජනතාව නොමග යවමින් බලයට පැමිණි නායකයින් තම ආණ්ඩුවේ ද සිටි බව අගමැති කියයි

colombotoday