උතුරු කොරියානු රජය විසින් ඊයේ (28දා) සිදුකළ මිසයිල අත්හදා බැලීම ශ්‍රී ලංකා රජය හෙළා දකින බව විදේශ කටයුතු අමාත්‍යාංශය නිවේදනයක් නිකුත් කරමින් පවසයි. එය එක්සත් ජාතීන්ගේ සංවිධානයේ ආරක්ෂක කවුන්සිලයේ කොන්දේසි බිඳ දැමීමක් බවද විදේශ කටයුතු අමාත්‍යාංශය නිකුත් කළ නිවේදනයේ දැක්වෙයි.
උතුරු කොරියාව දිගින් දිගටම ජාත්‍යන්තර සාමයට බලපෑම් එල්ල කරමින් පරමාණු හා බැලැස්ටික් මිසයිල අත්හදා බලමින් සිටින බවද විදේශ කටයුතු අමාත්‍යංශය පෙන්වා දෙයි.
සාමය හා ආරක්ෂාව පිළිබඳව අවධානය යොමුකරමින් මෙවැනි අත්හදා බැලීම්වලින් වැළකෙන්නැයි පවසන රජය එක්සත් ජාතීන්ගේ සංවිධානයේ ආරක්ෂක කවුන්සිල යෝජනා කඩ කිරීම කලාපය තුළ සෘණාත්මක තත්ත්වයකට හේතුවෙනු ඇතැයිද සඳහහන් කරයි.
ජාත්‍යන්තරය එකතුවී මේ සඳහා ඉක්මන් විසදුවක් ලබාදිය යුතු බවද අමාත්‍යාංශය වැඩිදුරටත් සඳහන් කරයි.