ශ්‍රී ලංකාවේ පළමු විධායක ජනාධිපති ජේ.ආර් ජයවර්ධන මහතා ගේ පුත් රවී ජයවර්ධන මහතා අභාවප්‍රාප්ත වී තිබේ.කොල්ලුපිටිය, කැපිටල් රෙසිඩන්සීස් නිවාස සංකීර්ණයේ පිහිටි ඔහුගේ නිවසේදී මෙලෙස අවසන් හුස්ම හෙළා ඇති බව වාර්තා වේ. මිය යන විට 80 වන වියේ පසු වූ හෙතෙම ජීවිතයේ අවසාන භාගයේ සුළු අසනීප තත්ත්වයකින් පසුවූ බව පවුලේ සාමාජිකයෙක් සඳහන් කළේය.
බ්‍රිතාන්‍යයේ එස්‌. ඒ. එස්‌. (SAS) යුද පුහුණු ආයතනයේ හිටපු යුද විශේෂඥයන්ගෙන් සැදුම්ලත් “කීනි මීනි” ආරක්ෂක සේවාවේ නිලධාරීන් පිරිසක්‌ ශ්‍රී ලංකාවට ගෙන්වා ශ්‍රී ලංකාවේ විශේෂ කාර්ය බළකාය ස්ථාපිත කිරීමට පුරෝගාමීව කටයුතු කරනු ලැබුවේ රවී ජයවර්ධන මහතාය.