ශ්‍රී ලංකාවට දේශගුණික විපර්යාසවලට එරෙහි ක්‍රියාමාර්ග තනිව ආරම්භ කළ නොහැකි බවත් පරිසරය දූෂණය කිරීමට වඩාත් ම වගකිව යුතු සංවර්ධිත රටවල් අරමුදල් සැපයීම හරහා ඊට දායක විය යුතු බවත් අද (28)දින පැවති ජනාධිපති පරිසර සම්මාන උළෙල අමතමින් ජනාධිපති රනිල් වික්‍රමසිංහ පැවසීය.
හරිත ආර්ථිකයක් ලෙස ස්ථාපනය වීමට ශ්‍රී ලංකාව හට නව නීති සම්පාදනයක් අවශ්‍ය බව ත්, ඊට ඉදිරි වසර තුළ නව නීති කිහිපයක් හඳුන්වා දෙන බව ත් එහිදී ජනධිපති රනිල් වික්‍රමසිංහ පැවසීය.
ජනාධිපති පරිසර සම්මාන උළෙල මධ්‍යම පරිසර අධිකාරිය විසින් සංවිධානය කරන ලද අතර එය බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ පැවැත්විණි.