ඝාතනය කර ඇති බවට සැක අඹුසැමි යුවළකගේ සිරුරු වව්නියාව සෙට්ටකුලම ප්‍රදේශයේ තිබියදී සොයාගෙන තිබේ.
ඔවුන්ට අයත් වෙළෙඳසැලක් පසුපස පිහිටි කාමරයක තිබියදී ඔවුන්ගේ සිරුරු සොයාගෙන ඇත.
මෙලෙස ජීවිතක්ෂයට පත්ව ඇති පිරිමි සැමියා 78 හැවිරිදි වියේ පසුව ඇති අතර බිරිඳ 68 හැවිරිදි වියේ පසුව ඇත.
ඔවුන්ගේ පුත්‍රයා අද(30) උදෑසන එහි යනවිට මොවුන්ගේ මළසිරුරු දැක ඒ පිළිබඳව පොලීසියට දැනුම්දී තිබේ.
මේ වනවිට තොරතුරු අනාවරණය වී ඇත්තේ ඔවුන් සතුව තිබූ පවුම් 5කට ආසන්න ප්‍රමාණයක් අතුරුදන්ව ඇති බවටයි.
සිද්ධිය සම්බන්ධයෙන් සෙට්ටිකුලම පොලීසිය වැඩිදුර විමර්ශන සිදුකරයි.