පුත්තලම කලපු තීර උද්‍යානයේ තිබී නාඳුනන පුද්ගල මළ සිරුරක් හමු වී තිබේ.
එම උද්‍යානයේ නාඳුනන පුද්ගල මළ සිරුරක් ඇති බවට ලද තොරතුරක් මත පුත්තලම පොලිසිය විසින් විමර්ශන ආරම්භ කර ඇති බව පොලිසිය පවසයි.
මිය ගොස් සිටි පුද්ගලයාගේ අනන්‍යතාව මෙතෙක් තහවුරු වී නොමැති අතර ඔහු අවුරුදු 55 – 60ත් යන වයසේ පසුවන පුද්ගලයෙකු වන බවයි වාර්තා වන්නේ.
මරණකරු උස අඩි 05 අඟල් 03ක් පමණ වන තළෙළු, සිහින් සිරුරක් සහිත හිසේ ඉදිරිපසින් තට්ටය පෑදුණු කොටු සහිත ළා පැහැති කමිසයකින් සහ කළු පැහැති දිග කලිසමක් හැඳ, දුඹුරු පැහැයෙන් යුක්ත පාවහන් පැලඳ සිටි අයෙකු බවයි පොලිසිය පවසයි.
මෘත ශරීරය පුත්තලම රෝහලේ තැන්පත් කර ඇති අතර සිද්ධිය සම්බන්ධව පුත්තලම පොලිසිය වැඩිදුර විමර්ශන සිදුකරනු ලබයි.