හලාල් සම්බන්ධයෙන් තීරණය කළ යුත්තේ මුස්ලිම් ජනතාව මිස බොදු බල සේනා සංවිධානය නොවන බවත්, මුස්ලිම් ජනතාවට කැමති ආකාරයකට ඒ පිළිබදව තීරණය කිරීමට යහපාලන රජය නිදහස ලබා දී තිබෙන බවත් සම කැබිනට් ප්‍රකාශක අමාත්‍ය රාජිත සේනාරත්න මහතා පවසයි.
ඔහු මේ බව පැවසුවේ අද පැවති කැබිනට් තීරණ දැනුම් දීමේ මාධ්‍ය හමුවේදීය.
යහපාලනයෙන් කළේ මොනවාදැයි සමහරුන් විමසන බවත්, මෙලෙස මුස්ලිම් ජනතාවට සිය කැමැත්ත අනුව තීරණ ගැනීමට නිදහස ලබා දිම යහපාලනය බවත් පැවසූ අමාත්‍ය වරයා, කලින් ඒ සම්බන්ධයෙන් තීරණ ගත්තේ බොදු බල සේනා වැනි සංවිධාන බවත්, දැන් ඒවාට ඉඩක් නොමැති බවත් පැවසීය.