උතුරු පළාතේ එකම සිංහල ප්‍රාදේශීය සභාව වන වවුනියාව දකුණ ප්‍රාදේශීය සභාවට අයත් බෝගස්වැව සිංහල ගම්මානය අතිවිශේෂ ගැසට් පත්‍රයක් මගින් උතුරු පළාතෙන් ඉවත් කර උතුරු මැද පළාත හා සම්බන්ධ කර තිබෙනවා. ඒ අනුව උතුරු පළාතේ සිංහල ජන අනුපාතයට තීරණාත්මක බලපෑමක් කරමින් 5% මට්ටමටත් වඩා අඩු වන බවයි විශ්ලේෂකයන් ප්‍රකාශ කර සිටින්නේ.
පසුගිය වසරේ අගෝස්තු 23 වනදා නිකුත්කෙරුනු මෙම ගැසට් පත්‍රයට අනුව එළබෙන පළමුවනදා සිට මෙම වෙනස්වීම් ක්‍රියාත්මක වන බවයි සැළලිහිනිගම රාජමහා විහාරාධිපති තණමල්විල පියනන්ද හිමි සදහන් කර සිටියේ. මෙම ගැසට් පත්‍රය පිලිබදව කිසිවකුත් දැනුවත්ව නොසිටි බවත් උන්වහන්සේ සදහන් කර සිටියා. වැඩිදුරටත් අදහස් දැක්වූ උන්වහන්සේ, ” අනේකවිද ගැහැට විදිමින් අපේ හාමුදුරුවරුත්, අපේ මිනිස්සුත් බෝගස්වැව ජීවත්වුණේ උතුරේ අපේ උරුමය ආරක්ෂා කරගැනීමේ උවමනාව මතයි. අපි උතුරෙන් එලවනවානම් බෝගස්වැව පවුල් 3500 ට කොළඹ ඉඩම් ඕනි.” යනුවෙන් සදහන් කර සිටියා.
පසුගියදා බොදු බල සේනා ප්‍රධාන කාර්යාලයේ පැවති මාධ්‍ය හමුවකදී මේ පිලිබදව අදහස් දැක්වූ නාමල්ගම රජමහා විහාරාධිපති හිමි සදහන් කර සිටියේ නැවත පදිංචි කිරීමේ අමාත්‍ය ඩී.එම්. ස්වාමිනාදන් ඇතුළු TNA මන්ත්‍රීවරු උතුරේ සිංහලයන් පලවාහැර යුද්දෙන් කරගැනීමට නොහැකිවූ ස්වයංපාලනය ලබාගැනීමට අවශ්‍ය වටපිටාව සුදානම් කරගන්නා බවයි.
2015 අගෝස්තු 21 ගැසට් පත්‍රය
ඇමති ස්වාමිනාදන් නිකුත්කළ ලිපිය
