ශ්‍රී ලංකාව ළගදීම බරපතල ආර්ථික අර්බුදයකට මුහුණදීමට නියමිත බව විශ්ව විද්‍යාල ආචාර්යවරුන් පිරිසක් අනතුරු අගවයි.
ජාත්‍යන්තර සාධක මෙන්ම එක්සත් ජාතික පක්ෂ ආණ්ඩුවේ දුර්වල ආර්ථික කලමනාකරණය සහ විදේශ පිළිවෙතද ඊට දැඩි ලෙස බලපාන බවයි එම ආචාර්යවරුන් වැඩිදුරටත් පවසන්නේ.
ඒකාබද්ධ විපක්ෂයේ මන්ත්‍රීවරුන් දැනුවත් කිරීම සඳහා තලවතුගොඩ ‘මොනාක්’ හෝටලයේ ඊයේ (26) පැවති වැඩමුළුවකදී මෙම කාරණය අවධාරණය කෙරී ඇත. ඒකාබද්ධ විපක්‍ෂය හා ‘වියතුන්ගේ හඬ’ සංවිධානය එකාබද්ධව සංවිධානය කල මෙම වැඩමුළුවට පාර්ලිමේන්තු මන්ත්‍රීවරුන් 40කට ආසන්න පිරිසක් සහභාගී වී ඇතැයි වාර්තාවේ.
ආචාර්ය දයාන් ජයතිලක, මහාචාර්ය ඩබ්ලිව් ඩි ලක්ෂමන්, ආචාර්ය සුමනසිරි ලියනගේ, මහාචාර්ය රන්ජිත් බණ්ඩාර ඇතුළු විද්වතුන් කිහිප දෙනෙකුම මෙම වැඩමුළුවේදී කරුණු දක්වා ඇත.