වසර තුනක වත්කම් හෙළි නොකළ බව සඳහන් කරමින් හිටපු අගවිනිසුරු ආචාර්ය ශිරාණි බණ්ඩාරනායක මහත්මියට එරෙහිව අල්ලස් කොමිසම විසින් කොළඹ මහේස්ත්‍රාත් අධිකරණයේ පවරා තිබූ නඩු තුනක් ඉල්ලා අස්කර ගන්නා ලදී.
ඒ අනුව අදාළ නඩු තුනෙන් ඇයව නිදොස් කොට නිදහස් කරනු ලැබූ අතර ඇයට එරෙහිව පනවා තිබූ විදෙස් ගමන් තහනමද ඉවත් කරනු ලැබීය.
අල්ලස් කොමිසම මෙම ඉවත්කර ගැනීම සඳහා අදාල දැනුම් දීම කොලඹ මහේත්‍රාත් අධිකරණය වෙත දැනුම්දී තිබූ අතර කොලඹ ප්‍රධාන මහේස්ත්‍රාත් ගිහාන් පිළපිටිය මහතා මෙම නඩු තුනෙන් හිටපු අගවිනිසුරු වරිය නිදොස් කොට නිදහස් කරන ලෙස නියෝග කර තිබෙනවා.