ක්‍රීඩා සංගම් සහ සම්මේලනය නියෝජනය කරමින්, ජාතික ක්‍රීඩා සංචිතයන් යටතේ උසස් දක්ෂතා දක්වනු ලබන ක්‍රීඩක ක්‍රීඩිකාවන්ගේ දක්ෂතා සහ ඉදිරියේ දී පැවැත්වීමට නියමිත ජාත්‍යන්තර තරගවල දී අපේක්ෂා කළ හැකි ජයග්‍රහණ පිළිබඳව දීර්ඝ ලෙස විශ්ලේෂණයක් සිදු කිරීමෙන් අනතුරුව, එම ක්‍රීඩක ක්‍රීඩිකාවන් වර්ගීකරණයකට ලක් කර තිබේ.
ඒ අනුව, තෝරාගත් ක්‍රීඩක ක්‍රීඩිකාවන් 178 දෙනෙකු සඳහා මූල්‍යමය ප්‍රතිපාදන ලබාදීම, ක්‍රීඩා හා යෞවන කටයුතු, වාරිමාර්ග අමාත්‍ය රොෂාන් රණසිංහ මහතාගේ ප්‍රධානත්වයෙන් ක්‍රීඩා හා යෞවන කටයුතු අමාත්‍යාංශයේ දී සිදු විය.
එමෙන්ම, සංචිතයන්ට ඇතුළත් නොවූ ක්‍රීඩක ක්‍රීඩිකාවන්ගේ දක්ෂතා පිළිබඳව යළි සලකා බැලීමෙන් අනතුරුව, ඔවුන්ගේ ක්‍රීඩා දක්ෂතා වර්ධනය කර ගැනීම සඳහා දිරිගැන්වීමක් වශයෙන්, ඔවුන් සඳහා ද මාසිකව විශේෂ මූල්‍යමය දීමනාවක් ලබාදීමට පියවර ගෙන තිබේ.