අධිකරණ අමාත්‍ය විජේදාස රාජපක්ෂ මහතාගෙන් රුපියල් මිලියන 250ක් වන්දි ඉල්ලා පාර්ලිමේන්තු මන්ත්‍රී සරත් ෆොන්සේකා මහතාගේ බෑණනුවන් වන ධනුන තිලකරත්න මහතා එන්තරවාසියක් යවා තිබේ.
හයිකෝප් නඩුවට අදාළව අධිකරණය විසින් රදවා ගැනුණු සිය මුදල් සම්බන්ධයෙන් අධිකරණ අමාත්‍යවරයා විසින් පුසගිය දිනවල කළ ප්රකාශ නිසා තමන්ට අපහාසයක් සිදුව ඇති බවයි එමගින් ඔහු ප්රකාශ කර ඇත්තේ.
අදාළ මුදල් හා ගිණුම් අධිකරණය විසින් මේ වන විට නිදහස් කර ඇතැයි ද ඒවා තවදුරටත් රඳවාගෙන සිටින්නේ අධිකරණ අමාත්‍යවරයා බවද ධනුන තිලකරත්න මහතා පවසනවා. ඒ අනුව දින 14ක් ඇතුළත ඉල්ලා ඇති වන්දි මුදල නොගෙවන්නේ නම් අධිකරණ අමාත්‍යවරයාට එරෙහිව ඉදිරියේදී නඩු පවරන බවයි ඔහු වැඩිදුරටත් ප්රකාශ කර ඇත්තේ.