ඇමෙරිකා එක්සත් ජනපදයේ මේරිලන්ඩ් ප්‍රාන්තයේ අධිබලැති විදුලි රැහැන් කුළුණක් මතට කුඩා ගුවන් යානයක් කඩා වැටීමෙන් ඊයේ(27)දින පාරිභෝගිකයන් 117000 කට විදුලිය විසන්ධි වූ බව මේරිලන්ඩ් ප්‍රාන්ත බලධාරීහු ප්‍රකාශ කළහ.
කුළුණේ ගුවන් යානය ගැටීම හේතුවෙන් එහි ගමන් ගත් පුද්ගලයන් දෙදෙනා පොළොවේ සිට අඩි 100 උඩ හිරවී තිබේ. එම ගුවන් යානයේ නියමුවා වූ 65 හැවිරිදි පැට්‍රික් මාර්කල් සහ එහි ගමන් ගත් 66 හැවිරිදි ජැන් විලියම්ස් ඉරිදා රාත්‍රියේ බේරාගත් බවත් ඔවුන් බරපතල තුවාල ලබා සිටි බවත් බලධාරීන් පවසායි.
ඊයේ එරට වේලාවෙන් පස්වරු 5.40 ට පමණ මෙම අනතුර සිදුව ඇති අතර අනතුරට හේතුව තවමත් අනාවරණය වී නොමැති බව පැවැසෙයි.