අවුරුදු 60ට වැඩි පුද්ගලයින්ට කොරෝනා බූස්ටර් එන්නත ලබාදීමේ කටයුතු අද ආරම්භ කරන බව රාජ්‍ය අමාත්‍ය මහාචාර්ය චන්න ජයසුමන ප්‍රකාශ කළේය.
ඔහු කියා සිටියේ, ඒ අනුව බස්නාහිර, දකුණ යන පළාත්වලත්, අනුරාධපුරය සහ අම්පාර යන දිස්ත්‍රික්කවලත් මෙම කටයුතු ආරම්භ කරන බවයි.
එසේම පුද්ගලයින් 120,485 දෙනෙකුට මේ වනවිට බූස්ටර් මාත්‍රාව ලෙස ෆයිසර් එන්නත ලබා දී තිබේ.
පාසල් සිසුන් ලක්ෂ 10කට මේ වනවිට ෆයිසර් එන්නත ලබා දී අවසන් බව රාජ්‍ය අමාත්‍ය මහාචාර්ය චන්න ජයසුමන ප්‍රකාශ කළේය..
මේ වනවිට පුද්ගලයින් 15,883,630 දෙනෙකුට කුමන හෝ කොරෝනා එන්නතක පළමු මාත්‍රාව ලබා දී ඇති අතර, මාත්‍රා දෙක ම ලබා දී ඇති පුද්ගලයින් සංඛ්‍යාව 13,674,957ක්.