Colombo Today Local News

වසන්ත මුදලිගේ 18වනදා තංගල්ල උසාවියට ඉදිරිපත් කරන්න නියෝග

ත්‍රස්තවාදය වැළැක්වීමේ පනත යටතේ අත්අඩංගුවට ගෙන ත්‍රස්ත මර්දන ඒකකයේ නිලධාරීන් යටතේ තංගල්ල රැඳවුම් මධ්‍යස්ථානයේ රඳවා සිටින අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ තංගල්ල මහේස්ත්‍රාත් අධිකරණයට ඉදිරිපත් කිරීමෙන් පසු යළි ඔහු මේ මස 18 දින තංගල්ල මහේස්ත්‍රාත් අධිකරණයට ඉදිරිපත් කරන ලෙස තංගල්ල මහේස්ත්‍රාත් හේමන්ත පුෂ්පකුමාර ත්‍රස්ත මර්දන ඒකකයේ නිලධාරීන්ට ඊයේ (14)දින නියෝග කර තිබේ.

රැඳවුම් භාරයේ සිටින වසන්ත මුදලිගේ වෙනුවෙන් පෙනී සිටින නීතිඥවරුන් පිරිසක් ශ්‍රේෂ්ඨාධිකරණයට ගොනුකර තිබූ මූලික අයිතිවාසිකම් පෙත්සම පසුගිය 10 වන දින විභාගයට ගැනීමට ශ්‍රේෂ්ඨාධිකරණය අවසර ලබා දී ඇත.

එහිදී වසන්ත මුදලිගේ වෙනුවෙන් පෙනී සිටි ජනාධිපති නීතිඥ සාලිය පීරිස් ඇතුළු නීතිඥයන් පිරිසක් අධිකරණයට ඉදිරිපත් කළ කරුණු සලකා බැලූ විජිත් මලල්ගොඩ සහ එස්. තුරෙයිරාජා යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ල විසින් වසන්ත මුදලිගේ මහේස්ත්‍රාත්වරයෙකු හමුවට පමුණුවන ලෙසත්, ඔහු අධිකරණ වෛද්‍ය නිලධාරිවරයා හමුවට පමුණුවා සම්පූර්ණ වාර්තාවක් කැඳවීමට පියවර ගන්නා ලෙසත් නියෝග කර තිබේ.

අදාළ පෙත්සමේ වගඋත්තරකරුවෙකු ලෙස බස්නාහිර පළාතභාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් නම් කිරීමට ද අධිකරණය විසින් පෙත්සම්කාර පාර්ශ්වයට අවසර දෙන ලද අතර අත්අඩංගුවේ පසුවන වසන්ත මුදලිගේ හමු වී උපදෙස් ලබා ගැනීම සඳහා ඔහුගේ නීතිඥවරුන්ට අවස්ථාව ලබා දෙන ලෙස ත් ශ්‍රේෂ්ඨාධිකරණය විසින් මෙහිදී නියෝග කර තිබිණි.

ඒ අනුව, ශ්‍රේෂ්ඨාධිකරණයෙන් ලබාදී තිබූ නියෝගයට අනුව රැඳවුම් භාරයේ සිටින වසන්ත මුදලිගේ කරාපිටිය ශික්ෂණ රෝහලේ අධිකරණ විශේෂඥ වෛද්‍යවරයා හමුවට ඉදිරිපත් කර එහි වාර්තාවක් සමගින් ඔහු තංගල්ල මහේස්ත්‍රාත් අධිකරණය හමුවට ඉදිරිපත් කිරීමට ත්‍රස්ත මර්දන ඒකකයේ නිලධාරීහු කටයුතු කර ඇත.

ඒ අනුව, ඊයේ(14) සවස වසන්ත මුදලිගේ තංගල්ල මහේස්ත්‍රාත් අධිකරණය හමුවට ඉදිරිපත් කෙරුණු අතර එහිදී මහේස්ත්‍රාත්වරයා නියෝග කර ඇත්තේ, රැඳවුම් භාරයේ සිටින වසන්ත මුදලිගේ අධිකරණ විශේෂඥ වෛද්‍යවරයා හමුවට ඉදිරිපත් කිරීමෙන් පසු යළි මේ මස 18 වන දින තංගල්ල මහේස්ත්‍රාත් අධිකරණයට ඉදිරිපත් කරන ලෙස යි.

Related posts

අහෝ දුකකි! අපේ උරුමයට වෙන දේ මෙන්න… ගෝනවල පන්සලක බෝධියක් කිසියම් පිරිසක් කපා දමලා

colombotoday

බණ්ඩාරගම පල්ලියේ ප්‍රහාරයට ලක්වූ කාන්තාවගේ නිවස මුස්ලිම් ජාතිකයන් වට කරති

colombotoday

ස්වාධීන රූපවාහිනී ස්ථාවර තැන්පතුවටත් යහපාලන ආණ්ඩුව විදලා

colombotoday

අලුත් ව්‍යවස්ථාවෙන් රටවල් නවයක්.. පොලිසි නවයක්.. චන්ඩීන් නවයක් !

colombotoday

ආණ්ඩුවේ අසාර්ථකත්වය නිසා මාධ්‍යයට චණ්ඩිපාට් දානවා

Admin

TNA මන්ත්‍රී කිලිනොච්චියේදී මරගෙන මැරෙන ‘කලු කොටි‘ සමරයි !

colombotoday