තමන්ගේ දුරකථන සංවාදයන් නිසි අවසරයකින් තොරව සවන් දීම මගින් තමාගේ පාර්ලිමේන්තු වරප්‍රසාද අපරාධ පරීක්ෂණ දෙපාර්තමේන්තුව කඩ කර ඇති බවට පාර්ලිමේන්තු මන්ත්‍රී පාඨලී චම්පික රණවක මහතා කතානායක මහින්ද යාපා අබේවර්ධන මහතා වෙත වෙත යොමුකළ ලිඛිත පැමිණිල්ලකට අදාළව ලබන 18 වැනිදා අපරාධ පරීක්ෂණ දෙපාර්තමේන්තුවේ නිලධාරීන් පාර්ලිමේන්තු වරප්‍රසාද කමිටුව හමුවට කැඳවීමට අද එම කමිටුව තීරණය කර තිබේ.
ඒ සමගම දුරකතන ජල සැපයුම් කරුවන් ද එදින පාර්ලිමේන්තුව හමුවට කැඳවීමට නියමිතය.
වෙරළ සංරක්ෂණ, අපද්‍රව්‍ය බැහැර කිරීමේ හා පවිත්‍රතා කටයුතු අමාත්‍යංශය තුළ සිදුවුයේ යැයි කියන මුදල් අවභාවිතාවක් පිළිබඳව අපරාධ පරීක්ෂණ දෙපාර්තමේන්තුව විසින් පසුගිය වසරේ සැප්තැම්බර් මස 24 වැනිදා සිදුකළ පරීක්ෂණයක දී හිටපු අමාත්‍ය පාර්ලිමේන්තු මන්ත්‍රී පාඨලී චම්පික රණවක මහතාගේ දුරකථන දත්ත හා සංවාද වලට නෛතික බලයකින් තොරව සවන් දී ඇති බව මන්ත්‍රීවරයා කතානායකවරයාට යොමු කළ ලිපියේ සඳහන් වේ.