පාසල් සිසුනගේ දිවා ආහාරය ලබාදීමට අමතර රුපියල් බිලියන 4ක් වැය කිරීමට රජය තීරණය කළ බව කැබිනට් ප්‍රකාශක බන්දුල ගුණවර්ධන පැවසීය.
ඒ අනුව, දැනට දිවා ආහාරය ලබා දෙන පාසල් සිසුන් පිරිසට අමතරව තවත් පාසල් සිසුන් මිලියනයකට සම්පූර්ණ පෝෂ්‍යදායී ආහාර වේලක් ලබාදීමට රජය කටයුතු කරන බව බන්දුල ගුණවර්ධන අමාත්‍යවරයා සදහන් කළේය.
ඊට අවශ්‍ය අරමුදල් විදේශීය ප්‍රදානයන් මගින් සලසා ගැනීමට කටයුතු කරන බව ද ඊට අමතරව රජය මගින් ද මේ සඳහා ප්‍රතිපාදන වෙන්කර අදාළ කටයුතු ක්‍රියාත්මක කරන බවද ඊයේ (4)දින පැවති කැබිනට් තීන්දු ප්‍රකාශ කිරීමේ මාධ්‍ය හමුවේදී බන්දුල ගුණවර්ධන අමාත්‍යවරයා පැවසීය.