ගෝඨාභය රාජපක්ෂ මහතා ජනාධිපති වූවා කියා කුරානයේ ඇති නීති වෙනස් කළ නොහැකි බවත් කුරානය, හදීස් ,ශාරියා නීතිය හැර මුස්ලිම් ජනතාවට වෙනත් නීතියක් නොමැති බව ජාතික සමගි පෙරමුණේ නායක අසාද් සාලි මහතා පවසයි.
ලිඛිතව එය වෙනස් කලද මුස්ලිම් ජනතාව එය පිළිගන්නේ නැති බව පවසන ඔහු කවුරු මුස්ලිම් නීති වෙනස් කලද මුස්ලිම් ජනතාවගේ ජීවන රටාවන් නීති වලින් වෙනස් කළ නොහැකි බව සදහන් කරයි.
මුස්ලිම් ජාතිකයෙකු විවාහ කීපයක් සිදු කරන්නේ හැකියාව අනුව බවත් රැක බලා ගැනීමට හැකියාවක් ඇතිනම් විවාහ තුනහතරක් සිදු කරගැනීමේ ඇති ප්‍රශ්නය කුමක්දැයි අසාද් සාලි විමසා සිටි.
බහු විවාහ සිදු කර ගන්නේ තවත් අයට පිහිට වීමේ හා උදවු කිරීමේ අරමුණින් බව ද ඔහු පෙන්වා දෙයි.
එබැවින් මුස්ලිම් නීති වෙනස් කිරීමට උත්සාහ කර අනවශ්‍ය අර්බුද නිර්මාණය කිරීමට කටයුතු නොකරන ලෙස ආණ්ඩුවෙන් ඉල්ලා සිටින බව හෙතෙම පවසයි.